University of South Africa
Inyuvesi yaseNingizimu Afrika (ngamafuphi UNISA) iyinyuvesi yaseNingizimu Afrika. Le nyuvesi iphinde ibe ngenkulu kunawo wonke amanyuvesi e-Afrika.
Njengenyuvesi ephelele, i-Unisa inezinhlelo zemfundo yobunyoninco nezobungqondonkulu, iningi lazo eziqashelwa emazaweni omhlaba, futhi lenyuvesi iyaziwa ezindaweni eziningi, okuyizinto ezinika abafundi bayo iphunga elihle lokuba baqasheke emazweni amaningi.
Le nyuvesi yasungulwa ngonyaka we-1873 kwaba iNyuvesi yeKapa lodumo[1] (University of the Cape of Good Hope), ngalesi sikhathi emlandweni kwakuyisikhungo sokuhlola senyuvesi yase-Oxford neNyuvesi yase-Cambridge, futhi kwakuyisifukameli okwachamuselwa kuso wonke amanye amanyuvesi aseNingizimu Afrika. Umthetho wangowe-1916 wasungula iNyuvesi yaseNingizimu Afrika ezihlelelekayo (lowo mthetho waphinde wasungula iNyuvesi yase-Stellenbosch neNyuvesi yaseKapa njengazihlelelekayo) njengesikhungu esongamele esizinze ePitoli, okwayinika iqhaza lokubhekelela izindaba zakwangqondonkulu phezu kwamanye amakolishi ambalwa nawo agcina sekungamanyivesi azihlelelekayo.[2] Amakolishi ayenganyelwe i-UNISA ahlanganisa i-Grey University College (Bloemfontein), i-Huguenot University College (Wellington), i-Natal University College (Pietermaritzburg), i-Rhodes University College (Grahamstown), i-Transvaal University College (Pretoria), i-South African School of Mines and Technology (Johannesburg), kanye ne-Potchefstroom University College.[3] Ngowe-1959, emva kokushaywa komthetho woKwandisa iMfundo yaseNyuvesi, ukwengamela kwe-UNISA kwajijwa ukuze kumboze "amanyuvesi wabansundu", okuyinyuvesi yakwaZulu, inyuvesi yaseNtshona Kapa, inyuvesi yaseNyakatho, inyuvesi yase-Durban-Westville kanye neNyuvesi yase-Fort Hare.[4] Ngowe-1946, i-UNISA yanikwa umsebenzi omusha wokuba inyuvesi yemfundo yomgamu, futhi namuhla inikezela ngezifundo zezifakazelo zakwangqondonkulu, neziqu zakwangqondonkulu.[5] kuze kube sezingeni lobungcithabuchopho.
KuJanuwari wezi-2004, i-Unisa yahlanganiswa ne-Technikon Southern Africa (Technikon SA) futhi kwafakwa nesigcoyi semfundo yomgamu senyuvesi iVista. Umphumela kwaba isikhungu esanikwa igama elithi inyuvesi yaseNingizimu Afrika. Namuhla lenyuvesi seyihlelwe ngokwamakolishi nezikole.
INyuvesi ngokwayo[hlela | Hlela umthombo]
Indawo[hlela | Hlela umthombo]
Izakhiwo ze-Unisa ezisePitoli ziyisithabathaba esibukwayo esiqongweni.
Uhla lwabantu abafunde e-Unisa[hlela | Hlela umthombo]
- Jean-Bertrand Aristide, usopolitiki wase Haiti, wathola i (D.Litt et Phil.) Kwizilimi zesintu ngo 2007
- Edwin Cameron, umahluleli wo Mthetho sisekelo wase Ningizimu Afrika, wathola i (LL.B. Cum Laude) ngo 1981
- Johan Froneman, wo Mthetho sisekelo wase Ningizimu Afrika, wathola i (LL.B. Cum Laude) ngo 1977
- Pravin Gordhan, lo obengundunankulu wezezimali eNingizimu Afrika, wathola i(D.Com. Honoris Causa) ngo 2007
- Ahmed Kathrada, usopolitiki waseNingizimu Afrika, wathola i Bachelor of Arts (B.A.) ku Criminology kanye Nezomlando ngo 1968
- F. W. de Klerk, obengumongameli waseNingizimu Afrika wahlonishwa nge (LL.D. Honoris Causa) ngo 1995
- Nelson Mandela, obengumongameli waseNingizimu Afrika wathola i (LL.B. Cum Laude) ngo 1988
- Gwede Mantashe, usopolitiki waseNingizimu Afrika, wathola i (B.Com.) ngo 1997 kanye ne (B.Com. (Hons)) ngo 2002
- Trevor Manuel, usopolitiki waseNingizimu Afrika, wathola i (D.Tech. Honoris Causa) ngo 2002
- Cyril Ramaphosa, uMongameli waseNingizimu Afrika wathola i (LL.B. Cum Laude) ngo 1981
- Justice Raymond Zondo, wo Mthsetho sisekelo wase Ningizimu Afrika, wathola i (LL.B. Cum Laude).
Bheka futhi[hlela | Hlela umthombo]
- ↑ https://www.unisa.ac.za/sites/corporate/default/Unisa-History-and-Memory-Project/Themes/All-themes/A-brief-history-of-Unisa
- ↑ Welsh, David (1975). "Universities and Society in South Africa: An Historical Perspective (The Van Wyk de Vries Commission on Universities: Critical Comments)". Philosophical Papers 4 (1): 22. doi:10.1080/05568647509506448.
- ↑ Welsh, David (1975). "Universities and Society in South Africa: An Historical Perspective". Philosophical Papers 4 (1): 22. doi:10.1080/05568647509506448.
- ↑ Moulder, James (1975). "Academic Freedom and the Extension of University Education Act". Philosophical Papers 4 (1): 65. doi:10.1080/05568647509506451.
- ↑ "Unisa Short Courses". Mansa Digital. 17 November 2019. Archived from the original on 17 November 2019. Kulandwe ngomhlaka 17 November 2019. Unknown parameter
|url-status=ignored (help)